Friday, June 15, 2012

രഹസ്യവാചകം

ഇരുമഴകളുടെ ഇടവേളയാണിത്
ഇടവഴിയിലേക്കുള്ള ഒറ്റയടിപ്പാത പോലെ
നേരിയതാണ്‍`
ഇരുവശവും ഇടതൂര്‍ന്നതാണ്
ഇരുളിമയാര്‍ന്നതാണ്

ഇല്ലാത്ത മഴ നനഞ്ഞ്
എനിക്ക് മടുത്തിരിക്കുന്നു
തരുമോ, ഒരു കുട
നിറയെ നിറങ്ങള്‍ നിറഞ്ഞത് 

ഒരു ചൂടില്‍, വിയര്‍പ്പില്‍
കുത്തിയൊലിച്ച്  നിറംകെട്ട് 
നിരാശയുടെ നിലാവിനെ 
ആകാശത്തോളം ഉയര്‍ത്തികാണിക്കാത്തത് 

പകല്‍ പോലെ പൊലിപ്പിക്കാത്തത്

ഇല്ല,  മാറിയിട്ടില്ല
പഴയതു തന്നെയാണ്
എന്റെ രഹസ്യവാചകം
ഒരിക്കലും നീ ഒന്നുമാവില്ല

7 comments:

ഇട്ടിമാളു അഗ്നിമിത്ര said...

പഴയതു തന്നെയാണ്
എന്റെ രഹസ്യവാചകം

എം പി.ഹാഷിം said...

ഇല്ല, മാറിയിട്ടില്ല
പഴയതു തന്നെയാണ്
എന്റെ രഹസ്യവാചകം
ഒരിക്കലും നീ ഒന്നുമാവില്ല

വായനാ സുഖമുള്ള എഴുത്ത് !

ഉപാസന || Upasana said...

Good madam.
:-)

ഭാനു കളരിക്കല്‍ said...

ഔന്നത്യം പുലര്‍ത്തുന്ന എഴുത്ത്. ആശംസകള്‍ ചങ്ങാതി.

ഇട്ടിമാളു അഗ്നിമിത്ര said...

ഹാഷിം.. ഉപാസന.. ഭാനു.. നന്ദി

Echmukutty said...

അതെയോ?
എഴുത്ത് നന്നായിട്ടുണ്ടല്ലോ, അഭിനന്ദനങ്ങള്‍

ഇട്ടിമാളു അഗ്നിമിത്ര said...

എച്മു. :)