Wednesday, October 15, 2008

അളവുകോലുകള്‍

ശൂന്യതയാണ് ചുറ്റിലും..

ഒരാളുടെ അഭാവം
ഒരു വിടവ്
അത്രയെ ഉള്ളു

അളക്കേണ്ടതെങ്ങിനെയാണ്
കൈവിരല്‍പാട് വെച്ച്
അതൊ നഖമുനയാല്‍

വെറുതെ, ചികഞ്ഞു നോക്കിയതാണ്
ഇല്ല, ഉണ്ടായിരുന്നെന്നതിന്റെ തെളിവുകള്‍
പിന്നെ, കണ്ടത് കേട്ടത് അറിഞ്ഞത്

ഒന്നും എനിക്ക് വേണ്ടി മാത്രമല്ലായിരുന്നു
പക്ഷെ, എനിക്കും പകുത്തു തന്നിരുന്നു
അളവുകോലുകള്‍..?

വിടവടക്കാന്‍ ശൂന്യത നിറയ്ക്കാന്‍
‍ഏതളവില്‍ ഞാന്‍ അള‍ന്നൊഴിക്കണം